وقفت فى نص الشارع محتارة ، بصيت فى الموبايل انا جايه فى ميعادى متأخرتش ، وهوه ده المكان عند المحل ده مظبوط ليكون ده فرع تانى ؟ لأ هوه ده الشارع
جايز من فرحتى انه اتصل انه افتكرنى انى وحشته مخدتش بالى من التفاصيل
فرحتى ان احنا نتقابل وبس ميهمش امتى واللا فين ، جايز من فرحتى نزلت يوم بدرى والميعاد لسه بكره ؟
من فرحتى لما اتصل مسألتش اشمعنى ، اشمعنى دلوقتى افتكرنى واشمعنى دلوقتى وحشه يسمع صوتى ويشوفنى اشمعنى دلوقتى وحشه كلامنا زى زمان ؟
من فرحتى معاتبتش بس غصب عنى كان صوتى متغير ومن فرحتى قلتله مفيش حاجة انا بس صوتى متغير علشان كنت ساكتة
يمكن نسى الميعاد والمكان ؟ يمكن اصلا يكون متصلش بيا وده كله كان خيال ؟
ايوه انا كل ده بتخيل
هوه متصلش بيا ولا قال نتقابل ده كله كنت بحلم ، بيتهيألى ممكن يرجع تانى زى زمان ، انا اتخيلت انه اتصل واديت ميعاد لنفسى فى نفس المكان اللى كنا بنتقابل فيه
يعنى انا دلوقتى واقفة مستنيه فى الشارع واحد مش جاى ؟؟ هوه ممكن اكون من وحدتى عملت كده بجد ؟؟
اينعم مش منطقى انى اتخيل ده كله ، بس اللى مش منطقى اكتر انه افتكرنى ووحشته واتصل
هيه الناس بدأت تتفرج عليا واللا نا برضه بيتهيألى ؟ الدنيا بدأت تتزحم حواليا ... انا هكلمه واخلص من اللى انا فيه
شفته من بعيد اطمنت انى مش بتخيل
بعد التحية والسلامات ، قلت هسمع منه كل حاجة ومش هعاتب ، اصلى لما راجعت نفسى اكتشفت ان كان عيبى معاه انى بشكيله دايما ومش بسمع شكوته ، وادينى سمعت كل حاجة كنت بسمع ومش ببين اى حاجة
عاش حياته بعد منى يمكن احسن ، كل حاجة زى ماهيه متغيرتش بالعكس ، وشاف اماكن كان نفسه يشوفها ، واتعرف على ناس جديدة ، بيحكيلى كل حاجة عملها بسعادة ، وانا بهز راسى بابتسامة وجوايا اسئلة كتير
هوه انا قد كده مفرقتش معاه ؟ غيابى زى وجودى عنده ؟ هوه انا قد كده سهل يتلاقيلى بديل وممكن بديل احسن بالنسبة له كمان ؟
هوه انا قد كده مليش قيمة وصفر على الشمال ؟
وبعد كلام كتير عن تلاهى الدنيا والانشغال ، حس ان كلامه مش داخل دماغى ، ما زمان كنا دايما مشغولين لكن كنت عمرى مابغيب عن باله او على الاقل كنت فاكرة كده
متكلمتش ولا عاتبت بس كان باين عليا فى نبرة صوتى وفى طريقة كلامى ، مانا لوكنت بعرف اتغير والاوع وادارى اللى جوايا كنت اتغيرت من زمان
يمكن ده اللى وجعنى ؟ ان كل حاجة حواليا بتتغير الا انا ؟
وخلص الكلام على وعد ان احنا هنتقابل قريب تانى واحنا الاتنين عارفين ان الوعد ده مش هيتنفذ
وانا فى طريقى للبيت ماكانش فى دماغى غير حاجة واحدة انه ياريت كان كل ده محصلش ياريتنى كنت بحلم ياريته ماجاش الميعاد ياريت كل ده كان خيال
جايز من فرحتى انه اتصل انه افتكرنى انى وحشته مخدتش بالى من التفاصيل
فرحتى ان احنا نتقابل وبس ميهمش امتى واللا فين ، جايز من فرحتى نزلت يوم بدرى والميعاد لسه بكره ؟
من فرحتى لما اتصل مسألتش اشمعنى ، اشمعنى دلوقتى افتكرنى واشمعنى دلوقتى وحشه يسمع صوتى ويشوفنى اشمعنى دلوقتى وحشه كلامنا زى زمان ؟
من فرحتى معاتبتش بس غصب عنى كان صوتى متغير ومن فرحتى قلتله مفيش حاجة انا بس صوتى متغير علشان كنت ساكتة
يمكن نسى الميعاد والمكان ؟ يمكن اصلا يكون متصلش بيا وده كله كان خيال ؟
ايوه انا كل ده بتخيل
هوه متصلش بيا ولا قال نتقابل ده كله كنت بحلم ، بيتهيألى ممكن يرجع تانى زى زمان ، انا اتخيلت انه اتصل واديت ميعاد لنفسى فى نفس المكان اللى كنا بنتقابل فيه
يعنى انا دلوقتى واقفة مستنيه فى الشارع واحد مش جاى ؟؟ هوه ممكن اكون من وحدتى عملت كده بجد ؟؟
اينعم مش منطقى انى اتخيل ده كله ، بس اللى مش منطقى اكتر انه افتكرنى ووحشته واتصل
هيه الناس بدأت تتفرج عليا واللا نا برضه بيتهيألى ؟ الدنيا بدأت تتزحم حواليا ... انا هكلمه واخلص من اللى انا فيه
شفته من بعيد اطمنت انى مش بتخيل
بعد التحية والسلامات ، قلت هسمع منه كل حاجة ومش هعاتب ، اصلى لما راجعت نفسى اكتشفت ان كان عيبى معاه انى بشكيله دايما ومش بسمع شكوته ، وادينى سمعت كل حاجة كنت بسمع ومش ببين اى حاجة
عاش حياته بعد منى يمكن احسن ، كل حاجة زى ماهيه متغيرتش بالعكس ، وشاف اماكن كان نفسه يشوفها ، واتعرف على ناس جديدة ، بيحكيلى كل حاجة عملها بسعادة ، وانا بهز راسى بابتسامة وجوايا اسئلة كتير
هوه انا قد كده مفرقتش معاه ؟ غيابى زى وجودى عنده ؟ هوه انا قد كده سهل يتلاقيلى بديل وممكن بديل احسن بالنسبة له كمان ؟
هوه انا قد كده مليش قيمة وصفر على الشمال ؟
وبعد كلام كتير عن تلاهى الدنيا والانشغال ، حس ان كلامه مش داخل دماغى ، ما زمان كنا دايما مشغولين لكن كنت عمرى مابغيب عن باله او على الاقل كنت فاكرة كده
متكلمتش ولا عاتبت بس كان باين عليا فى نبرة صوتى وفى طريقة كلامى ، مانا لوكنت بعرف اتغير والاوع وادارى اللى جوايا كنت اتغيرت من زمان
يمكن ده اللى وجعنى ؟ ان كل حاجة حواليا بتتغير الا انا ؟
وخلص الكلام على وعد ان احنا هنتقابل قريب تانى واحنا الاتنين عارفين ان الوعد ده مش هيتنفذ
وانا فى طريقى للبيت ماكانش فى دماغى غير حاجة واحدة انه ياريت كان كل ده محصلش ياريتنى كنت بحلم ياريته ماجاش الميعاد ياريت كل ده كان خيال
